London baby

Gálgafrestur og punktablogg

2008-11-19T22:48:00.005Z

Já best að prufa "nýjustu" blogg tæknina , síðasta mánuðinn hef ég..

- Ekki verið drekinn.. frétti það í síðustu viku, Gummi þú ert seif í íbúðinni fram á næsta sumar:)

- Fengið foreldra mína og Kristjönu litlu systur í heimsókn, mjög mjög gaman.

- Lét þetta sama fólk fá 800 pund í seðlum til að koma pening til íslands og seldi þeim gjaldeyri.

- Orðið vitni að því að 10 þús íslenskar fóru á 35 pund í bankanum í dag í svokölluðum "innherjaviðskiptum".

- Sungið "Hvar er, hvar er, hvar er, hvar er krónan mín" með Norðmönnum á Brick Lane.

- Keypt mér lestarmiða til Brussel þegar ég hélt að ég væri atvinnulaus, þurfti svo að sækja um frí í dag svo ég komist í ferðina.

- Blótað íslenskum stjórnmálamönnum og Seðlabanka.. ekki benda á mig er viðeigandi.

- Skráð mig í stjórnmálaflokk í fyrsta skipti, og já það er ekki Sjálfstæðisflokkurinn.

- Bókað flug til Íslands yfir jólin.

- Spáð í undarlegum tilviljunum, ef ég væri ekki í London væri ég á hausnum.

- komist að því að Gummi kann að höndla kattavandmál, maðurinn tók við fjórum kisusvínum en eftir stendur einn.. síðast þegar ég vissi.

- Saknað Snældu

- Eignast frænku sem ég er ekki enn búin að hitta.

- Öfundað Ásdísi að því að vera langt í burtu frá öllu, þrátt fyrir að hún sé í fátæku landi í Afríku.

- Safnað bjórvömb..sem ýtir undir þá kenningu að ég sé strákur eða fitna asnalega.

Ég veit vart hvað ég get sagt

2008-10-11T11:24:00.004+01:00

En langaði allavega að sýna smá lit og segja að ég er á lífi.

Síðasta vika er búin að vera hræðileg, ég hef grátið og hlegið, hringt á hjálp frá Íslandi, drukkið bjór fyrir síðustu pundin.. og uppfært CV-ið mitt.
Baggalútur gerir sitt í að bjarga geðheilsu minni.
Ég komst að því í gær að ég á fleiri vini í Bretlandi en ég hélt, það ætla allir að standa saman og hjálpast að við að finna vinnu. Það er allavega gott að vita að það eru ekki allir á leiðinni að bomba Ísland.

Í kvöld ætlum við að elda mat og fá Sigga, Signýu og börnin til okkar. Svo ætlum við að hlæja og spila fram á nótt.

....ég lofa að lýsa þessu betur þegar ég veit hvað er að gerast en núna er enn allt svo óljóst.

Skvísan er á lífi:)

2008-08-30T17:00:00.007+01:00

Já já, ég er enn með internet:)
Í dag er líklega síðasti sumardagurinn í London, 27 stiga hiti og ég var að koma heim úr Shoredich Park.
Hvað er betra en að sitja inni og blogga þegar sólin skín úti. Á morgun á að koma þrumuveður og 10 daga rigning á einu degi segja menn í mjög virtum fjölmiðlum hér.
Annars var vikan ansi ánægjuleg, þ.e. það þarf ekki mikið til að gleðja mitt litla hjarta.
Ég bý í hverfi sem er alveg við Regents Canal. Þar er mikið af gömlum, ónotuðum verksmiðjum í bland við ný og flott hús. Út um stofugluggann minn hef ég útsýni yfir eina slíka. Hún er afgirt og vöktuð og ég er alltaf að bíða eftir að þeir fari að rífa hana.
Banksy er þekktur götulistamaður hér og menn segja að hann búi í austur London. Hann notar borgina sem striga og það eru ýmis graffiti hingað og þangað í hverfinu sem eru sögð vera eftir hann. Það eru líka margir sem herma eftir honum en hann er allavega mjög þekktur og ég er með mynd eftir hann í stofunni minni.

Þegar ég vaknaði á miðvikudagsmorgun með kaffibollann minn og sígó fékk ég þá undarlegu tilfinningu að einhver væri að horfa á mig, leit út um gluggann og þetta blasti við:

Hvort þetta var Banksy sjálfur eða einhver að herma eftir honum þá er allavega búið að bæta útsýni mitt til muna. Hann hefur þurft að klifra yfir girðingu og forðast öryggisverði til að komast þangað inn.

Mig langaði að ná betri myndum og fyrst að hann gat brotist inn gat ég það líka:)

Þetta er pottþétt á öryggismyndavélunum, enda er maður alltaf í mynd hérna hehe.

Annars er nóg búið að gerast í sumar, eiginlega of langt síðan ég hef bloggað til að telja það allt upp. Ég og Gummi rifjuðum upp þriðjudagsfyllirí í Notting Hill í maí, ég var ekki mætt í vinnu fyrr en á hádegi dagin eftir.. en það var þess virði. Hann er að fara að taka að sér alla kettina mína heima og fær að búa í íbúðinni minni í staðinn. Úff ég held ég þurfi bráðum að fara að borga með þessu, þetta eru orðin fjögur stykki. En já Þjóðverjarnir eru að fara að flytja út og Gummi ætlar að leigja af mér.
Þau hringdu í mig í sumar og sögðu að versnandi gengi krónu væri farin að valda þeim töluverðum vandræðum (ég er btw með erlent lán á íbúðinni) og þau gætu ekki borgað svona mikið í leigu. "Væriru kannski til í að lækka leiguna um svona 30 þús á mánuði?"
Ahahaha, já ég hló. . held meira að segja í símann. Þau eru allavega bjartsýn.

Annars er ég hægt og rólega að bæta inn myndum, læt þær bara tala sínu máli..

Flutt úr gasklefanum og komin með internet

2008-04-30T22:50:00.009+01:00

jæja, loksins komin með almennilegt heimili og internet.

Eftir mikla bloggleti er erfitt að finna stað til að byrja á.
Ég semsagt gafst upp á íbúðinni í Stoke Newington af því að hún hreinlega virkaði ekki, ég bjó í sýndarheimili sem var með rosa fína tengla á veggjum fyrir sjónvarp og síma en nákvæmlega ekkert á bak við þá.. fyrir utan leka á öllu mögulegu þá virkaði reyndar rafmagnið.
Þegar ég kom heim úr páskafríi á íslandi var búið að bora gat í gegnum veggin utanfrá og troða sjónvarpslofneti inn... utan á húsinu eru endalaust mikið af vírum, þetta er eitthvað nýtt fyrir mér en greinilega frekar algengt í London.
Ég fór í gönguferð upp í Arsenal hverfið (sem er mjög stutt frá Stokey) um daginn og sá að þetta er líklega venjan..
..veit samt ekki hvort myndin er af sjónvarslofnetum eða einhverju öðru sem menn tengja svona utanhhúss.. þegar mín símalína kom loks inn var hún líka tengd utanfrá. Munurinn er að þeir náðu samt að nota gatið sem var á sýndartenginu.

Jæja nóg af leiðindum, ég flutti aftur upp á Old Street og gæti ekki verið ánægðari, hér virkar allt og meira að segja komin með internet.

Ég er annars búin að fá ólöfu systur í heimsókn frá Brussel og skottast til hennar líka.. missti reyndar af lestinni en náði að grenja mig inn í næstu lest þrátt fyrir að vera með no-refundable ticket. Þar sá ég súrasta dansleikhús ever sem stóð í rúma tvö tíma.. þarf af hljóp gaurinn alsber fram og til baka um sviðið í svona korter, mismikið á fjórum fótum. Ég er að giska á að þetta hafi eitthvað átt að tengjast þróun og öpum en er samt litlu nær. Myndin er af okkur systrum eftir að við uppgvötuðum að glimmerið mitt hafði sprungið útum alla snyrtitösku og þá var bara eins gott að nota það, ólöf fann svo rauða málningu sem punktinn yfir i-ið.

Sumarið kom og fór á laugardaginn, við íslenska forritunarklíkan í London áttum frábæran dag sem endaði að sjálfsögðu í gleði heima á Old Street.

London fields í miðri Hackney.. þetta er í göngufæri frá mér.

Svessi og Solla voru í góðum gír.. eins og við öll.

Anars er það bara löng helgi í New York eftir viku... jisús hvað verður gaman!

TODO: Hækka heimildina á kreditkortinu.

Í tilefni dagsins...

2008-03-07T13:46:00.005Z

..hef ég ákveðið að blogga í vinnunni.

Eins og margir vita flutti ég í byrjun febrúar í nýja íbúð sem er á besta stað í smáþorpinu London. Þar er búið að ganga á ýmsu þar sem iðnaramenn hér virðast ekkert þurfa að kunna til að henda upp einu húsi eða svo. Það er búið að flæða úr þvottavél og uppþvottavél, ég hef líka verið heitavatnslaus og að sjálfsögðu er enn ekki hægt að tengja símanúmer þangað inn. Maðurinn sem á að vera að laga hluti kallar sig pípara, hann er búin að vera að leita að leka úr íbúðinni minni í þrjár vikur, valsar inn og út með lykil og ég geri ekki annað en að þrífa karlmans pissuslettur af klósettgólfinu mínu, en það lekur ennþá.

Ég hef getað hlegið að þessu hingað til.

Í gærkvöldi var ég að koma heim, mætti manni í stiganum sem var að loka fyrir gasið í öllum íbúðum vegna "Massive gasleak" og ég fékk skjal í hendurnar sem sagði að lekinn væri það mikill að hann væri "Immediately Dangerous" og að við værum öll búin að verða fyrir Carbon Monoxide eitrun. Íbúðin og heita vatnið er kynnt með gasi.

Já það eru ekki alltaf jólin í London.

Komnar inn myndir

2007-12-12T21:35:00.000Z

Ég er búin að bæta við myndum frá heimsókninni og afmælinu hjá Þurý. Myndin hér fyrir neðan er afskaplega lýsandi dæmi um hann Gunnar Stein, en hann gerði ekkert annað en að þamba bleika drykki meðan hann var hérna;)

Enda rugluðumst við oft þegar við vorum að spjalla við hann og oft var bara sagt "stelpur" þó hann væri með:) Ef einhverjum datt í hug að fara á strippbúllu þá kom sú hugmynd ekki frá honum. Að fá sér nýtt tattú kom heldur ekki frá honum, en það er líklega eins gott að hann var hérna, þið viljið ekki vita hvernig tattú ég hefði annars fengið mér.

Já, ég er heima hjá mér þriðja kvöldið í röð sem hefur ekki gerst í langan tíma, er að safna orku fyrir jólin heima á Íslandi. Ég er líka komin með kvef eftir kuldakastið sem gengur yfir London sem ég held að sé verst inní mínu herbergi. Kertaljós gera þó eitthvað, flísgallinn líka.

..sagan um fullnægingarnar hehe, við Alla ákváðum að það væri komin tímim á að fá sér skot á þessum frábæra veitingastað, auðvitað vildum við ekkert annað en fullnægingu sem er besta skot í heimi. Þegar Alla sneri sér að þjóninum og bað um "two orgasm's" fyrir okkur tvær þá roðanaði hann og blánaði í langa stund áður en hann hikstaði uppúr sér að hann ætti þær nú til. Ég roðnaði líka eins og karfi svona honum til samlætis:) En glottið fór ekki af honum það sem eftir var kvölds og þegar við vorum búnar með drykkinn kom hann og spurði mig sérstaklega hvernig fullnægingin hefði verið.

Við endum svo á mynd af Gunnari Steini takandi Moonwalkið.

Fokk hvað er kalt í London

2007-12-11T23:55:00.000Z

Jæja, langt síðan síðast...
Ég er semsagt að drepast úr kulda undir tveimur sængum inní herberginu mínu. Ég velti því stundum fyrir mér hvernig mér datt þessi arfavitleysa í hug, ég hafði það svo gott heima.

En það er aldeilis nóg búið að vera að gerast hjá mér sem skýrir kannski bloggleysið og að fólkið í ræktinni er hætt að reyna að hringja í mig.

Gunnar Steinn var hjá mér í rúmlega viku, þvílíkt fjör og vitleysa, held ég hafi átt einn dag þar sem við fengum okkur ekki í glas.. eða tvo. Hann var dregin með í jólapartý vinnunnar sem var að sjálfsögðu á þriðjudagskvöldi að hætti Breta... það endaði með því að ég tók mér frí í vinnunni daginn eftir þar sem hvítvínsglösin voru helst til mörg, ég hef ekki verið svona þunn lengi (miðvikudagurinn var semsagt áfengislausi dagurinn).
Svo var haldíð í Covent Garden í mat og fleiri fíflalæti á föstudeginum, ammæli hjá Þurý á laugardagskvöldið sem var alveg frábært.
Gunnar Steinn fór svo á sunnudag og ég er eiginlega bara búin að vera að gera ekki neitt eftir það. (nema sýna mig í vinnunni). Ég sleppti meira að segja jólamat hjá IT-deildinni í gærkvöldi þar sem ég bara nennti ekki meiru..

Sambúðin er búin að ganga upp og ofan hjá okkur Birni, ég tala bara um Björn því maður finnur ekki fyrir Söru. Eina nóttina skiptumst við á að kveikja og slökkva á hitanum til skiptist.. hann er að spara og mér er kalt.
Svo er hann voða almennilegur þess á milli, í gærkvöldi var ég að hjálpa honum að flytja brjálæðislega þungt tæki sem hann er búin að eyða löngum tíma í að smíða og svo vorum við að dást að því og hlusta á hávaðan úr því. Björn er nefnilega svoldið spes listamaður því hann er nörd eins og ég. Ég er búin að lofa að hjálpa honum með verkefni eftir áramót og kíkja með honum nirðí skóla að sjá hvað menn eru að gera þar. Það breytir því ekki að hann hafði slökt á hitanum í nótt og ég vaknaði með grýlukerti á nefinu í morgun. Undarlegt að hann gerir þetta ekki þegar ég er með gesti...
Það eru engar nýjar myndir í bili, Björn er með vélina í láni til að taka video af nýja tækinu sínu, set inn næst þegar ég blogga:)

Ég kem svo heim eftir eina og hálfa viku, verð í allavega viku, kannski lengur þar sem áramótaplönin hafa aðeins breyst. Allavega hlakkar mig til að komast inn í heitt hús þar sem ég þarf ekki að sofa í flíspeysunni.

Gunnar Steinn talaði um hvað hann þyrfti alltaf að labba mikið í London og sá mest eftir að hafa ekki mælt hvað hann tók mörg skref þegar hann var hér:) Ég fór reyndar að spá í því að ég labba að minnsta kosti klukkutíma á dag til og frá vinnu, svo bætist við allar ferðirnar annað.. enda sér maður ekki marga feita hér.
Well, nýjar myndir koma þegar ég hef endurheimt myndavélina mína, en ég setti hinsvegar inn myndir um daginn af ömmuferðinni 2007 sem ég náði óvænt útaf vinnuferð á klakann.

..og svo kom Una

2007-11-07T21:47:00.000Z

Jæja, ég hafði einn dag í afvötnun sem ég nýtti reyndar frekar illa....

Una kom á miðvikudagskvöldið, gekk aðeins betur en Júlíu að finna lestina:) Við komum henni ásamt öllum farangrinum (til þriggja daga!) heim með túbunni, og það var ekki létt verk. Ég held ég hafi sagt um leið og ég sá hana.. "kannski þú takir bara leigubíl á völlinn þegar þú ferð heim."

Við kíktum aðeins út í einn drykk fyrir svefninn og að sjálfsögðu vorum "við"(Una.. ég er ekki svona heppin) ekki lengi að hitta gaura sem vildu endilega bjóða okkur í partý í Notting Hill. Við tókum númerið þeirra og fórum svo heim vorum líklega of þreyttar/gamlar fyrir partýstand.

Ég skildi bara eftir kort af miðbænum og kort í lestina og fór að vinna á fimmtudeginum, lét hana bara bjarga sér til mín í vinnuna í hádeginu sem hafðist alveg á endanum. Svo var hún bara send með lestinni á Oxford Street að versla..

Svo var bara verslað, túristast, út að borða og fleira. Visakortið mitt er enn rjúkandi..

Á laugardagskvöldið skelltum við okkur á flugeldasýningu í Victoria Park sem var ekkert smá flott. Það var ansi mikið vesen að fá leigubíl þangað þar sem allir voru greinilega að fara að gera það sama og við. Við enduðum á að deila stórum leigubíl með nokkrum gaurum. Þar sem við náðum ekkert í fólkið(vinnufélagana og fleiri) sem við ætluðum að horfa á sýninguna með héngum við bara með nýju vinum okkar. Eftir smá spjall kom í ljós að tveir þeirra eru í hljómsveitinni The Molotovs sem hljóma bara ansi vel, ég ætla að skella mér að sjá þá þann 15. des.

Við vöknuðum svaka ferskar á sunnudagsmorgun til að hringja í leigubíl á völlinn.. ég var svo þunn að ég lá í rúmminu allan sunnudaginn, sjitt hvað ég vorkendu Unu í flugvélinni.

Hversdagleikinn er núna tekin við, rykið var dustað af líkamsræktarkotinu og enginn pöbb í nokkra daga. Næsta heimsókn er svo 1. des þegar Gunnar Steinn kíkir við.

Að öðru.. mig er skyndilega farið að langa að flytja í eitthvert fallegt úthverfi í London, ég sá nefnilega ógeðslega rottu trítla eftir götunni þega ég var á leiðinni heim úr vinnunni á mánudaginn.

Júlía kom í heimsókn..

2007-10-30T00:10:00.000Z

Vá hvað er búið að vera gaman hjá okkur vinkonunum.. Júlía kom í húsmæðraorlof til London!!

Hún kom í hádeginu á föstudaginn, villtist pínu á leið í Heatrowh express.. en á endanum gekk það og ég fann hana eins og villuráfandi sauð á Paddington, eins gott að ég beið hennar með rjúkandi Latte.

Júlía lagði sig bara þegar við komum heim meðan ég dreif mig í ræktina.. tók því ekki að mæta aftur í vinnuna. Við áttum svo bara kósý kvöld,kjúklingur á Nandos með Sverri og Ingvari, smá hvítvín á Hoxton Square og svo bara meira hvítvín heima:)

Laugardagurinn varð eiginlega bara shopping day, með tilheyrandi stoppum í hvítvíni. Við enduðum reyndar óvart í ríkra manna búðunum það sem hver merkja búðin kom á fætur annari, þar ákváðum við að setjast niður í hvítvínsglas en gekk frekar illa að finna stað. Loks sáum við fínan veitingastað..þar báðum við um "glass of white vine", tékkið á hvað við fengum..

Við skelltum okkur auðvitað út að borða um kvöldið á Gay Tree, sem er frábær víetnamskur vetingastaður á Old Street. Svo enduðum við kvöldið á Hoxton hótel í Cosmo, Mohito.. með öllu tilheyrandi. að sjálfsögðu hössluðu gellurnar eitt stykki New York búa sem kemur sér mjög vel fyrir ömmu ferðina okkar þangað í vor.

Skítþunnar!!! á sunnudeginum skelltum við okkur á Spitalfields Market eftir mjög gott rifrildi um hvað klukkan væri..:) þangað til við fötttuðum að Bretland var komið á vetrartíma,híhí.

Frábær markaður þar sem ungir hönnuðir eru að selja eigin hönnun. Eyddum aðeins of miklu en maður er nú ekki alltaf í London, ahahah.

Við röltum Brick Lane heim, skelltum okkur í meira hvítvín á Bláa barinn sem er æði. Um kvöldið gerðum við svo aldeilis vel við okkur í mat og drykk, fengum okkur steik við Thames ánna. Æðislegt kvöld, frábær þjónusta og frábær matur... ásamt mjög góðum Cosmo.

Í dag þurfti ég aðeins að kíkja við í vinnunni, hitti Júlíu í hádeginu en svo var hún bara í slökun meðan ég vann að baki brotnu til að hafa upp í eyðslu helgarinnar. Kíktum aðeins í H&M nirðá Oxford Street, fengum okkur gott að borða og hittum svo Ingvar og pabba hans í einn til tvo drykki áður en heim var haldið.

Þetta er búin að vera yndisleg helgi. Ég kveð að sinni:)

Skrambans pöbbinn

2007-10-23T22:15:00.000+01:00

Ótrúlegt en satt þá fór ég á pöbbinn eftir vinnu í dag... gerist nánast aldrei. Ég var að drekka í mig kjark til að fara að versla niðrá Oxford Street, sem ég að sjálfsögðu þoli ekki eins og sönnum Lundúnabúa sæmir. Í staðin fyrir að versla fór ég í Covent Garden að borða með Rannveigu og Sverri. Ég þarf ekkert að versla, bara fara á pöbbinn og út að borða, ég er allavega sannfærð um það núna.
Í gærkvöldi átti ég loks smá kvöldstund með sambýlisfólki mínu, Björn hitaði súkkulaði og við sátum þrjú inní eldhúsi að spjalla um daginn og veginn sem var notalegt. Björn ætlar meira að segja að hengja nýja spegilinn upp fyrir mig.. gott að hafa karlmann á heimilinu. Hann er samt ekkert sérstaklega spontant, kannski eru Þjóðverjar svona því hann vildi ákveða dagsetningu fyrir þessa athöfn, við fórum í gegnum heilmiklar pælingar um hvenær hentaði best og að við værum bæði heima (sem var einmitt í gærkvöldi) en enduðum á að sættast við annað kvöld.
Ég mætti honum reyndar í stiganum áðan, angandi af bjórlykt, því þeir sem þekkja mig vita að ég má ekki horfa á bjór án þess að anga eins og bruggverksmiðja.. mér leið pínulítið eins og krakka sem var að stelast. Vonandi er hann ekki hættur við spegla stefnumótið okkar.

Jæja

2007-10-21T20:32:00.000+01:00

...eftir ótrúlega bloggleti og lélegt internetsamband á Pitfield Street er komin tími á að blogga smá:)
Ég var heima á Íslandi í viku á námskeiði, var úti öll kvöld að hitta fólk, var sko ekki svona dugleg að hafa samband þegar ég bjó heima en eftir alveg heilar þrjár vikur í útlöndum varð ég bara að sjá alla sem ég hafði ekki séð svo "lengi".
Síðan ég kom aftur til london hef ég farið út að borða nánast öll kvöld, drukkið bjór og rauðvín, legið í flensu og horft á England tapa heimsmeistaratitlinum í rugby. Ég ætla mér að horfa oftar á rugby, sérstaklega á stórum skjá.. mmmmm.
Sunnudagar eru að verða húsmæðradagar hjá mér, þá fer ég að versla eitthvað á heimilið, tek til og svo framveigis, þetta leiðinlega stuff sem verður víst að gerast. Ég ákvað loks að fara í Argos að versla mér ýmislegt smálegt sem mig er búið að vanta síðan ég kom út. Búðin er frekar nálægt mér þannig að ég hélt ég færi nú létt með að bera hlutina heim. Ég keypti mér stóran spegil, fullt af handklæðum og drasli á baðið og svo dýnuhlíf til að reyna að losna við gormana sem stingast í bakið á mér á nóttinni. Verslunin virkar þannig að ég vel það sem ég ætla að fá, gef upp númer og svo eru hlutirnir sóttir inn á lager. Ég byrjaði strax að svitna þegar ég sá fyrirferðina á dýnuhlífinni, svo kom spegilinn og allt smádótið... afgreiðslumaðurinn sá að ég leit ekkert of vel út og bauðst til að binda draslið saman fyrir mig og gerði meira að segja handfang úr snúrunni þannig að ég gat haldið á þessu eins og ferðatösku. Ég komst því heim með fenginn á endanum þökk sé góða kallinum í búðinni:)
Júlía mín varð hálfsextug á föstudaginn, til lukku með það snúll! Við sjáumst svo næsta föstudag, ég hlakka svo til. Það er svo frábært hvað einhvernveginn allt gerir lífið hér í London svo auðvelt og skemmtilegt, ég hef verið svo heppin að hafa vinkonu úti þegar ég kom, svo er Júlía að koma til mín og dagin eftir að hún fer kemur Una Dögg!

Ég hef semsagt enn voða lítið þurft að glíma við einveruna hér og það er allt útlit fyrir að það sé nóg að gerast á næstu vikum.. ég bjóst satt að segja við miklu erfiðari tíma.

Ójá það er komið jólaskraut.. eins gott að fara að bóka flug heim fyrir jólin.

Hið góða og illa

2007-10-03T23:07:00.000+01:00

..Í gær fór ég á pöbbinn eftir vinnu.
..Í dag hefði ég getað farið á pöbbinn eftir vinnu en fór í ræktina í staðinn.

Íþróttageðveiki

2007-10-01T22:14:00.000+01:00

..Mér datt sú argasta vitleysa í hug að bóka næsta tíma í ræktina klukkan átta á miðvikudagsmorgun! Nennir einhver að koma hingað til að sparka mér fram úr rúminu því mér hefur svo sannarlega ekki gengið vel að drullast á lappir hingað til.
Annars kom þrekprófið þokkalega út og ég náði að slaka á í gufubaði á eftir.. mmmm algjört æði og sturturnar eru svoo miklu betri heldur heima hjá mér. Ég komst reyndar að því að lungun mín eru strax farin að sýna merki þess að ég er aftur reykjandi, ætli ég reyni ekki að hætta áður en ég gifti mig....

Óli gamall vinur úr HR mætti í vinnuna í dag, var ekki nema tvo tíma að komast til vinnu í morgun frá Oxford, vá hvað ég er fegin að ég bý svona nálægt, annars væri ég líklega ekkert mætt fyrr en uppúr hádegi.
Ingvar dró mig svo út að borða eftir vinnu, ég hámaði í mig dýrindis kjúklingaborgara rétt fyrir æfingu, það verður nóg að gera í að kaloríujafna allan þennan skyndibita..

Hversdagsleikinn

2007-09-30T20:02:00.000+01:00

Vá hvað tíminn líður hratt hérna, þriðja vikan mín hér er byrjuð.

Ásdís fór á þriðjudagsmorgun og hún eldaði af því tilefni á mánudagskvöldið, enda gat eiginkonan varla farið án þess að elda allavega einu sinni. Maturinn var frábær og kvöldið líka.

Það var frekar skrítið að vera alltíeinu ein í kotinu, var loks farin að venjast því þegar Björn (brjálaði þjóðverjinn sem ég leigi með) kom aftur heim á föstudagskvöldið.

..ég hitti hann reyndar ekki fyrr en á laugardaginn því það var að sjálfsögðu djamm á föstudagskvöldið..langt fram undir morgun.

Í dag ákvað ég hinsvegar að snúa blaðinnu við, dreif mig í ræktina og er núna orðin stoltur meðlimur í Fitness First líkamsræktarkeðjunni. Ég á svo tíma aftur hjá þeim á morgun í fitumælingu og þrekpróf, mér finnst einmitt svo gaman að láta klípa í spikið á mér.

Annars er allt að verða mjög normalt hérna, komin með bankareikning, símanúmer, heimilisfang og Oyster card í lestina, á bara eftir að finna mér vini:)

Ég er svo á leiðinni til Íslands um næstu helgi og verð í heila viku til að mæta á námskeið á vegum vinnunar, ég get þá sótt restina af fötunum mínum. Mér gengur nefnilega bölvanlega að versla hérna, ég höndla ekki allt þetta fólk í búðunum, ráfa bara um og er eiginlega bara í því að villast um borgina í leit að minni verslunum með færra fólki. Afrekaði þó að kaupa mér eina rándýra preysu í Lee búðinni í dag.

Vikan verður án efa fljót að líða enda er alltaf nóg að gera í vinnunni. Eg búin að vera rosa spennt að komast heim að hitta vinina og líka hvort ég eigi leynilegan aðdáanda!

Ég komst nefnilega að því að það bíður mín afmælispakki á gamla heimili mínu þegar ég hafði samband við leigjendurna mína í siðustu viku. Líklegast er hann bara frá Toyota eða eitthvað álíka, þeir gefa mér nefnilega alltaf jólagjöf sem er einmitt keyrð í hús.

Smámælti gaurinn

2007-09-19T20:57:00.000+01:00

Ég fór út að borða eftir vinnu í gær með Ásdísi (..hún klikkaði auðvitað á eldamennskunni) á frábæran tælenskan veitingastað, nálægt Covent Garden, mmmmmm. Við fórum með Neal, sem er vinur hennar frá París og stelpu sem vinnur með honum, ég man ekki hvað hún heitir..
Eftir matin skelltum við okkur á Nordic bar en þar var vinnan mín með kveðjupartý fyrir Eyjó sem er að flytja sig yfir til Glitnis. Þar hittum við strák sem var svoooo smámæltur að ég get bara ekki hætt að brosa þegar ég hugsa um hann, ég er eiginlega búin að vera glottandi í allan dag, þannig að hann bjargaði deginum fyrir mér. Mér var nú alveg hugsað til Júlíu, reikna ekki með að hún hefði haldið andliti..
En annars var voða gaman að kíkja út og kynnast fólkinu, okkur var meira að segja boðið á Dog Race á laugardaginn sem er á Wimbledon, held það gæti verið gaman.
Þýski herbergisfélaginn flygur til Hamborgar á morgun og verður í rúmlega viku, Ásdís fer á þriðjudaginn þannig að ég verð alein í kotinu í nokkra daga, það verður þá valuable naked time eins og bróðir minn kallar það.
Ég var að hugsa um að skella inn mynd af smámælta gaurnum, sem er að sjálfsögðu líka með slæmar tennur, en hætti svo við ef hann skyldi ramba inn á bloggið.. hann vinnur jú með mér.

Fyrsti vinnudagurinn

2007-09-17T20:36:00.000+01:00

Hvað er málið með englendinga og slæmar tennur? Nýji yfirmaðurinn er með svo ljótar framtennur að ég gat bara ekki hætt að horfa á þær, á annars frekar myndarlegum manni. Jæja nóg um það, dagurinn byrjaði ágætlega og það er greinilega nóg að gera. Annars er maður alltaf eins og hálfviti á nýjum vinnustað, rosalega hafði ég það gott heima á Íslandi...

Ég er búin að gera mér grein fyrir að allt tekur mun lengri tíma hér, eins og t.d að skjótast í matvöruverslun á leiðinni heim úr vinnunni.. ég stóð í röð sem byrjaði í hinum endanum á búðinni!

Ásdís skilaði ritgerðinni sinni í dag, alveg á laaang síðustu stundu, hún varð að maila hana á vinkonur sínar uppí skóla til að láta þær prenta hana út því Ásdís var enn stödd á Old Street kl hálf fjögur og skilafrestur var til fjögur. Hún fór út áðan á próflokadjamm og ótrúlegt en satt, þá nennti ég ekki með.. vildi frekar vera ein heima og hanga í tölvunni.. það er kannski eitthvað í loftinu hérna.

Á morgun reikna ég samt með að eiginkona mín bíði mín með heitan mat þegar ég kem dauðþreytt heim úr nýju vinnunni. Við ætlum síðan að gera eitthvað sniðugt saman annað kvöld.. líklega kíkjum við bara á pöbbinn.

Ég ákvað að skella inn mynd af Haffa og Russel til að koma í veg fyrir misskilning sem hin myndin gæti hafa valdið..

Komin út...

2007-09-16T14:09:00.000+01:00

Jæja, ég er búin að vera að mana mig upp í að skrifa eitthvað á bloggið mitt....

Ég afhenti íbúðina og kettina þjóðverjunum í hádeginu á föstudaginn. Ég var frekar leið þegar Haffi kom að sækja mig en skapið skánaði fljótt þegar hann brast í söng á leiðinni uppá völl. Ég fékk að heyra lagið sem hann sendi inn í undankeppnina fyrir Eurovision, afskaplega fallegt.

Annars gerðist lítið merkilegt á leiðinni en þegar ég var komin að dyrunum á nýja heimili mínu, kófsveitt með hundrað töskur labbaði maður upp mér og vildi endilega selja mér gras.. ég held ég hafi urrað á hann svona um leið og ég hringdi dyrabjöllunni eins og vitleysingur til að komast inn með allt draslið.

Þýski herbergisfélagi minn er búin að vera mjög almennilegur, vona að það haldist þannig.

Svo fór ég út á lífið í gær, með Haffa og Russel nýja kærastanum og vinum þeirra. Það var svaka stuð, man ekki hvað ég drakk mörg hvítvínsglös með Penny sem er nýja vinkona mín. Við tvær vorum frekar utangátta á þessum fína hommabar sem við vorum dregnar á, en hann var staðsettur "South of the River" eins og útlendingarnir hér í London segja það, ég myndi aldrei finna hann aftur. Við tvær gerðum heiðarlega tilraun til að stinga af og finna straght bar með karlmönnum sem við ættum kannski einhvern séns í en þá vorum við víst í þannig hverfi að allir barir í nágreninu voru fyrir fólk sem spilar með hinu liðinu.

..Svo er það bara fyrsti vinnudagurinn á morgun.